Понедельник, Январь 16, 2017
Главная > Lurer > Վիրավոր զինծառայողի վիճակը ծանր է. նա Մուրացան զինվորական հոսպիտալում է
loading...

Վիրավոր զինծառայողի վիճակը ծանր է. նա Մուրացան զինվորական հոսպիտալում է

Armtimes.com-ը գրում է.

ԼՂՀ ՊԲ զինծառայող Քաջիկ Գրիգորյանի վիճակը ծանր է: Այս մասին Armtimes.com-ի հետ զրույցում Երեւանի՝ Մուրացանի անվան զինվորական կայազորային հոսպիտալի տնօրեն Արամ Ասատուրյանը:

Ուշագրավն այն է, որ վիրավոր զինծառայողին Երեւան են տեղափոխել դեռ 2 օր առաջ, սակայն վիրավորի մասին որեւէ տեղեկություն չի հաղորդել ոչ ԼՂՀ ՊԲ-ն, ոչ ՀՀ ՊՆ-ն:

Մեր հարցին՝ վնասվածքը բազմաբեկորայի՞ն է եղել, Ասատուրյանը չպատասխանեց՝ ասելով, որ ուշ ժամի անհանգստացնում ենք իրեն:

loading...

Հիմնադիր խորհրդարանի խոսնակ Սյուզան Սիմոնյանն ֆեյսբուքյան իր էջում գրել էր վիրավորների մասին. ըստ իր տեղեկությունների 3-րդ պաշտապանականում լարված վիճակ է, եւ կա երկու վիրավոր:

Ի դեպ, մեզ հետ զրույցում ե՛ւ Արծրուն Հովհաննիսյանը, ե՛ւ Սենոր Հասրաթյանը հերքել էին վիրավոր զինծառայողների մասին լուրը:

Արամ Ասատուրյանը մեզ չհայտնեց զինծառայողի վնասվածքները, սակայն ըստ համացանցում շրջանառվող տեղեկությունների՝ Քաջիկի մոտ վնասված են աղիները, ողնաշարը եւ նստատեղը:

Մյուս վիրավոր՝ Գագիկ Պողոսյանի մոտ բազմաբեկորային վնասվածքներ են, թոքն է վիրավորված, եւ ձեռքերն են կոտրված: Վերջինս Ստեփանակերտի զինվորական հոսպիտալում է, այնտեղից հրաժարվեցին որեւէ մեկնաբանություն տալ:

Հիշեցնենք, որ ըստ ՊԲ հաղորդագրության՝ նոյեմբերի 29-ի լույս 30-ի գիշերը շփման գծի արեւելյան (Կուրոպատկինո) ուղղությամբ ադրբեջանական զինուժը կիրառել է նաև 60 միլիմետրանոց ականանետ (10 արկ) եւ հաստոցավոր ավտոմատ նռնականետ (6 արկ): Ամենայն հավանականությամբ զինծառայողներն այդ օրն են վիրավորվել:

162 просмотров всего, 2 просмотров сегодня